جمعة العتاگ.. يقول:

ع.ح.ن-IQ HNews

ميسان : كرار العساف 

آني جمعة العتاگ، عمري 44 سنة، أسكن في قضاء علي الغربي بمحافظة ميسان. شخصيتي تحولت لمسلسل كارتوني في إحدى القنوات الفضائية بس للأسف ما استلمت ولا فلس مقابل اسمي والمسلسل حقق شهرة واسعة والناس حبته كلش.

قبل كنت أشتغل بالعتيگ (بيع الأشياء القديمة بعد شرائها) والناس لقبوني بالعتاگ، وحالياً گاعد ما عندي شغل وعمل بس عندي موهبة تقليد الأصوات وأغني بمناسبات المواطنين بس مو دائماً، حتى أمشي مصرف لأن عندي عائلة وتريد مني .

من أنزل بالسوگ وأشوف تعامل المواطنين وياي أحس براحة لأن أگول الحمد لله ما عندي شي مكروه والناس تحبني رغم بساطتي ويتعاطفون وياي ويساعدوني.

فهل هناك من يساعد العتاگ المسكين