النحيب..بفقد الشقيق الحبيب ..مراثي الشاعر منجد الكناني

قصيدة..الرثاء

بانامل :الشاعر منجد الكنانيف

في ذكرى وفاة شقيقه( رحمه الله)

لا تواسيني….. انتهيت
نسيت من گد مابچيت
ياهو اجاني وياهو راح
من كثر هم الجراح
يااااااااا لمأساتي الطويله
السهله صارت مستحيله
اصرخ ويخنگني صوتي
كافي ياروحي دموتي
هي سفره ولعبه خسرانه وقبيحه
نموت بيها وهي تضحك مستريحه
وخطوة المشوار والنسيان صعبه
ياهو يملك أمر گلبه
طاحت دموعي باديه واستحيت.. لاتواسيني
ليش مو انته وحيدي
دمعي ينزل باس ايدي
يكفي يارب العباد
هدومنه كلهن سواد
ننولد في ورقه بيضه
نموت لازم في عريضه
وحتى كتاب العرايض.. خلصت كل الاوراق
واحنه ويه الموت……………. نتسابق سباق
واشتهيت الموت يارب….. اشتهيت… لاتواسيني..